ADR Partiyası məhkəmədən nə cavab alıb?
Bakı Apellyasiya Məhkəməsi Azərbaycan Demokratiya və Rifah (ADR) Partiyasının Ədliyyə Nazirliyindən şikayətinə baxılmasını mümkünsüz sayıb. “Turan”ın məlumatına görə, qərar sentyabrın 27-də çıxarılıb.
Şikayətdə Ədliyyə Nazirliyinin qanunvericiliyi pozaraq qurumun qeydiyyatını yubatdığı vurğulanmış, məhkəmədən nazirliyin boynuna partiyanı dövlət qeydiyyatına almaq öhdəliyi qoyulması istənmişdi.
27 sentyabr qərarından narazı qalan partiyanın Ali Məhkəməyə üz tutacağı bildirilir.
London İqtisadiyyat Məktəbinin professoru Qubad İbadoğlunun sədrlik etdiyi ADR Partiyası 2015-ci ildən fəaliyyət göstərmiş Azərbaycan Demokratiya və Rifah Hərəkatının bazasında yaradılıb. Təsis qurultayı 2021-ci il oktyabrın 17-də keçirilib. Qurum həmin il noyabrın 11-də, 2022-ci il martın 16-da və iyulun 5-də dövlət qeydiyyatı üçün Ədliyyə Nazirliyinə sənədlər təqdim etsə də, hər dəfə müəyyən iradlarla üzləşib, bundan sonra məsələnin məhkəmə yolu ilə həllinə qərar verib.
ADR Partiyasının rəhbərliyində Adil Qeybulla, Arifə Hüseynli, Ellada Məmmədli, Ədalət Yusub, Əlövsət Sadıqlı, Əlövsət Talışxanlı, Hüseyn Məlik, Rafiq Abdullalı, Rövşən Dəmirli, Rüfət Əliyev, Rüfət Muradlı, Samir Abbaslı və başqa şəxslər yer alır.
“Siyasi partiyalar haqqında” qanuna görə, partiyanın qeydə alınması üçün azı 1000 vətəndaş onun üzvü olmalıdır. Hazırda 60 partiya dövlət qeydiyyatındadır.
Sentyabrın 7-də Milli Məclisin təqdim etdiyi yeni qanun layihəsi partiyanı Azərbaycanda son 20 il daimi yaşayan azı 200 vətəndaşın təsis etməsi, dövlət qeydiyyatına alınması üçün partiyanın azı 10000 üzvü olması hökmləri qoyur. 10000 üzv şərtini hazırda dövlət qeydiyyatında olan partiyalara da şamil etmək nəzərdə tutulur.
ADR Partiyası nazirliyə üz tutdu
ADR-in qeydiyyat müraciəti nə yerdədir?
ADR-in qeydiyyatı səssizlik içində
ADR Partiyasının sənədləri niyə geri qayıtdı?
ADR Partiyası yenə Ədliyyə Nazirliyinə üz tutur
ADR-in qeydiyyatı: müddət başa çatıb
ADR Partiyasının sənədləri yenə geri qayıtdı
ADR: qeydiyyat işi məhkəməyə gedir
