Doğum, ölüm, nikah və boşanma statistikası
Azərbaycan əhalisinin sayı 2022-ci il avqustun 1-nə 10 milyon 191 min 609 nəfərə çatıb. Novator.az-ın məlumatına görə, hesabatı yayan Dövlət Statistika Komitəsi bildirir ki, yanvar-iyul aylarında 71491 doğulan körpə qeydə alınıb, onların 52,8 faizi oğlan, 47,2 faizi qızdır.
Yeddi ayda 37183 ölümün, 35646 nikahın, 8862 boşanmanın rəsmiləşdiyi vurğulanır.
2021-ci ilin yanvar-iyul aylarına nəzərən doğumun 10,9 faiz, nikahların 17,3 faiz artdığı, ölüm hallarının 11,1 faiz, boşanmaların 11,8 faiz azaldığı xəbər verilir.
