Turizmin ili
Bakı Araşdırmalar İnstitutu Dövlət Statistika Komitəsinə istinadla turizm hesabatı yayıb. Novator.az bildirir ki, hesabata görə, 2021-ci ildə Azərbaycana gələn əcnəbilərin 13,56 faizinin məqsədi istirahət və əyləncə olub, 20,07 faizi müalicə, 10,24 faizi qohumlara, dostlara baş çəkmək üçün səfər edib, səfərlərin 20,07 faizi işgüzar xarakter, 36,05 faizi digər məqsəd daşıyıb.
Qeyd olunur ki, xaricə səfər edən Azərbaycan vətəndaşlarının 20,27 faizi istirahətə və əyləncəyə, 3,19 faizi müalicəyə yollanıb, səfərlərin 14,09 faizi işgüzar məqsədlərə, 10,49 faizi qohumlara, dostlara baş çəkməyə, 51,03 faizi başqa məqsədə xidmət edib.
Turizm agentlərinin və operatorlarının 2021-ci ildə 22,6 milyon manat gəlir götürdüyü bildirilir. Eyni göstərici 2017-ci ildə 41 milyon manatdan çox, 2018-ci ildə 56,4 milyon manat, 2019-cu ildə 63,3 milyon manat, 2020-ci ildə 16,1 milyon manat olub.
2021-ci ildə Azərbaycana gələn turistlərin 70,6 faizi Rusiya, İsrail, Birləşmiş Ərəb Əmirlikləri, Çin və Türkiyə vətəndaşlarının payına düşüb.
Azərbaycandan gedənlərin 96,2 faizi Türkiyə, Rusiya, Qazaxıstan, Gürcüstan və Ukraynaya səfər edib.
