Ən çox qoyulan adlar
2022-ci ilin yanvar-iyul aylarında Azərbaycanda doğulmuş 995 oğlana Uğur adı qoyulub.
Novator.az Ədliyyə Nazirliyinə istinadla bildirir ki, yeddi ayda 959 uşaq Əli adı, 884 uşaq Hüseyn adı alıb.
Dəbdə olan oğlan adlarının ilk onluğunda Yusif (873 uşaq), Məhəmməd (663), Ömər (597), Raul (555), Murad (545), Tunar (433), Adəm (432) adları da var.
Qız adları içində Zəhra birincidir. Bu ad yanvar-iyul aylarında 968 uşağa məsləhət görülüb.
Qalan populyar qız adları belə sıralanır: Zeynəb – 789 uşaq, Məryəm – 779, Aylin – 779, Fatimə – 655, Nilay – 651, Mələk – 627, Nuray – 522, İnci – 516, Ayla – 510.
