1899 aktiv xəstə var
Son milli hesabat Azərbaycanda 1899 nəfər aktiv koronavirus xəstəsinin olduğunu göstərir. Ümumi statistikaya əsasən, infeksiyaya yoluxmuş 796474 nəfərin 9735-i vəfat edib.
2019-cu ilin dekabrında Çində üzə çıxıb dünyanı bürüyən infeksiyaya Azərbaycanda ilk yoluxma 2020-ci il fevralın 28-də, xəstəlikdən ilk ölüm martın 12-də qeydə alınıb.
Novator.az bildirir ki, 2020-ci ildə 218700 yoluxma, 2641 ölüm, 2021-ci ildə 398247 yoluxma, 5717 ölüm rəsmiləşib.
2022-ci ilin göstəriciləri belədir: yanvar – 41523 yoluxma, 376 ölüm, fevral – 127200 yoluxma, 683 ölüm, mart – 6262 yoluxma, 275 ölüm, aprel – 630 yoluxma, 17 ölüm, may – 205 yoluxma, 4 ölüm, iyun – 506 yoluxma, 4 ölüm, iyul – 3201 yoluxma, 18 ölüm.
2021-ci il yanvarın 18-dən ölkədə koronavirusa qarşı peyvəndləmə aparılır: 5 milyon 364,3 min nəfərə bir, 4 milyon 857,1 min nəfərə iki, 3 milyon 330,7 min nəfərə azı üç, 253 min nəfərə xəstəlikdən sonra bir doza peyvənd vurulub.
