Ulduzun yeni seçimi
Polşalı futbol ulduzu Robert Levandovski iyulun 19-u axşam İspaniyanın “Barselona” komandası ilə 4 illik müqavilə imzalayıb. Almaniyanın “Bavariya” klubunun hücumçunu 45+5 milyon avroya satdığı xəbər verilir.
Novator.az bildirir ki, 1988-ci il təvəllüdlü Robert Levandovski 2014-cü ildən “Bavariya”da oynayırdı. Əvvəllər Polşanın “Zniç”, “Lex”, Almaniyanın “Borussiya” (Dortmund) komandalarında çıxış etmiş futbolçu 2008-ci ildən Polşa milli komandasının şərəfini qoruyur.
Polşa çempionu, Polşa kubokunun sahibidir, 10 dəfə Almaniya çempionu, 4 dəfə Almaniya kubokunun qalibi, həmçinin UEFA Çempionlar Liqasının və superkubokunun qalibi, klublar arasında dünya çempionu olub.
2020 və 2021-ci illərdə FİFA-nın sorğusunda dünyanın ən yaxşı futbolçusu seçilib.
