22,3 milyon aktiv xəstə var
Beynəlxalq statistikaya görə, iyulun 18-i dünyada yeni koronavirus infeksiyasına 645,5 min yoluxma rəsmiləşib. Bunun 160,6 mini Almaniyanın, 103,5 mini Yaponiyanın payına düşüb.
Worldometers.info iyulun 19-da dünya üzrə aktiv xəstə sayını 22,3 milyon nəfər göstərir. ABŞ-da 3,6 milyon, Fransada 2,2 milyon, Almaniyada 1,8 milyon, İtaliyada 1,4 milyon nəfər müalicə altındadır.
230 ölkə, ərazi və məkana yayılan koronavirus infeksiyası 6 milyon 390 minə yaxın insanın həyatına son qoyub.
Novator.az bildirir ki, rəsmi statistikaya görə, Azərbaycanda koronavirusa yoluxmuş 794656 nəfərin 9723-ü vəfat edib, 901-i aktiv xəstədir.
2019-cu ilin dekabrında Çində üzə çıxıb dünyanı bürüyən infeksiyaya Azərbaycanda ilk yoluxma 2020-ci il fevralın 28-də, xəstəlikdən ilk ölüm martın 12-də qeydə alınıb.
