Gələn də 2,3 dəfə artıb, gedən də
Dövlət Statistika Komitəsi Dövlət Sərhəd Xidmətinə istinadla bildirir ki, 2022-ci ilin yanvar-iyun aylarında Azərbaycana 166 ölkədən 638,6 min, əvvəlki ilin ilk yarısı ilə müqayisədə 2,3 dəfə çox əcnəbi gəlib: “Gələnlərin 25 faizi Rusiya, 23,8 faizi Türkiyə, 13 faizi İran, 5,2 faizi Gürcüstan, 4,6 faizi Səudiyyə Ərəbistanı, 2,8 faizi Pakistan, qalanları başqa ölkələrin vətəndaşlarıdır.
2021-ci ilin yanvar-iyun aylarına nəzərən xarici ölkələrə gedən Azərbaycan vətəndaşlarının sayı 2,3 dəfə artaraq 680,8 min nəfər olub. Ölkə vətəndaşlarının 47,6 faizi Türkiyəyə, 15,7 faizi Rusiyaya, 13,3 faizi İrana, 8,1 faizi Gürcüstana, 15,3 faizi digər ölkələrə səfər edib”.
