Nazirliyin yarım ili
Ədliyyə Nazirliyi Kollegiyasının 30 iyun iclasından məlumat yayılıb. Xəbərə görə, nazir Fikrət Məmmədovun sədrlik etdiyi iclasda qeyd olunub ki, 2022-ci ilin ilk yarısında 2000-dən çox hüquqi akt layihəsi hazırlanıb və ya ekspertizadan keçirilib. 2,2 milyona yaxın notariat hərəkətlərinin rəsmiləşdirildiyi, bu əməliyyatlarla bağlı 5 milyon manata yaxın vəsaitin, daşınmaz əmlakla əlaqədar müqavilələr üzrə 23 milyon manatdan artıq verginin dövlət büdcəsinə köçürüldüyü vurğulanıb.
Yarım ildə 367 minə yaxın icra sənədinin icrasının təmin edildiyi və təqribən 420 milyon manat vəsaitin ödətdirildiyi bəyan olunub.
40 mindən çox bələdiyyə aktı üzrə inzibati nəzarət həyata keçirildiyi, 1600-dən artıq aktın nazirliyin təklifləri əsasında ləğv edildiyi və ya dəyişdirildiyi, habelə qanunsuz verilmiş 7000 hektardan artıq torpaq sahəsinin geri qaytarıldığı bildirilib.
