Azərbaycanda ən bahalı xarici valyuta Küveyt dinarıdır. Mərkəzi Bank iyunun 24-də dinara 5,5423 manat qiymət qoyub.

Novator.az bildirir ki, İngiltərə funt sterlinqi banklara 2,0875, avro 1,7918, İsveçrə frankı 1,7701, ABŞ dolları 1,7 manata təklif edilir.

Kanada dolları 1,3096, Sinqapur dolları 1,2244, Avstraliya dolları 1,1753, Yeni Zelandiya dolları 1,0714 manatadır.

2015-2016-cı illərdə ABŞ dollarının rəsmi kursu 0,7844 manatdan 1,7707 manata yüksəlib. 2017-ci ili 1,7001 manatla yola salan dollar 2018-ci il martın 7-dən 1,7 manat nöqtəsində qərar tutub.

Dövlət Neft Fondu Mərkəzi Bankın 2022-ci ilin yanvar-may aylarında keçirdiyi valyuta hərraclarında 2 milyard 461,1 milyon ABŞ dolları məbləğində vəsait satıb. Yanvarda fonddan 727 milyon, fevralda 371,2 milyon, martda 526,2 milyon, apreldə 548,7 milyon, mayda 288 milyon dollar alınıb.

Manatı qorumağa 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard, 2021-ci ildə 6,7 milyard dollar sərf olunub.