Millətlər Liqasında durum
UEFA Millətlər Liqasının 2022-2023 mövsümündə qrup mərhələsinin dörd turu geridə qalıb.
Reqlamentə görə, A, B, C divizionlarında qrup zəifləri aşağı diviziona enəcək, B, C, D divizionlarında qrup qalibləri yuxarı diviziona yüksələcək, A, B, C divizionlarının ümumilikdə 3 güclü komandası 2024-cü ilin Avropa çempionatına vəsiqə alacaq.
2023-cü ilin iyun ayına təyin olunmuş final mərhələsinə A divizionu qruplarının qalibləri çıxacaq.
Novator.az bildirir ki, A divizionunun 1-ci qrupunda Danimarka, 2-ci qrupunda İspaniya, 3-cü qrupunda Macarıstan, 4-cü qrupunda Niderland öndədir.
B divizionunun 1-ci qrupunda Ukrayna, 2-ci qrupunda İsrail, 3-cü qrupunda Bosniya, 4-cü qrupunda Norveç liderdir.
C divizionunun 1-ci qrupuna Türkiyə, 3-cü qrupuna Qazaxıstan, 4-cü qrupuna Gürcüstan başçılıq edir, 2-ci qrupunda Yunanıstan qalib olub.
D divizionunun 1-ci qrupunda Latviya, 2-ci qrupunda Estoniya zirvədə qərarlaşıb.
Millətlər Liqası 2018-ci ildən keçirilir. 2018-2019 mövsümünü Portuqaliya, 2020-2021 mövsümünü Fransa udub.
