Büdcə cərrahiyyəsi
Qubad İbadoğlu
İqtisadçı, ADR Partiyasının sədri
Hər il olduğu kimi 2021-ci ilin dövlət büdcəsində də xərclərin bir qismi bölüşdürülmədən nəzərdə tutulub. Həmin vəsaitlərin icraçı qurumlar arasında bölgüsünü il ərzində Maliyyə Nazirliyi həyata keçirib. Ötən ilin büdcəsində bölgüsü əvvəlcədən müəyyən edilməyən xərclər üzrə 3 milyard 727,5 milyon manat vəsait nəzərdə tutulmasına baxmayaraq Maliyyə Nazirliyi parlamentin qəbul etdiyi dövlət büdcəsinin icra prosesində əvvəlcədən təsdiq olunmuş fəsillərin təqribən yarısında yerdəyişmələr aparılıb, 4 istiqaməti tamamilə çıxarıb, ümumilikdə xərclərin nəzərdə tutulduğu 177 fəslin 84-də dəyişikliklər edib. Yəni Maliyyə Nazirliyi büdcədə nə istəyib, onu da edib.
Əgər parlamentin səs verdiyi büdcə sonradan Maliyyə Nazirliyinin istəyi ilə bu cür dəyişikliklərə məruz qalırsa, onda parlament ümumiyyətlə büdcə prosesindən imtina etməlidir. Özünə hörmət edən parlament belə büdcəni qəbul etməz!
