Gürcüstan: turistlərin sayı 173,9 faiz artıb
Gürcüstanın Milli Turizm Administrasiyası yeni hesabat yayıb. Novator.az bildirir ki, rəsmi statistikaya görə, 2022-ci ilin mayında Gürcüstana 264,3 min turist gəlib. Bu, əvvəlki ilin may ayı ilə müqayisədə 173,9 faiz çoxdur.
Hesabatda qeyd olunur ki, may ayında Gürcüstanı 60,2 min Türkiyə vətəndaşı, 51,6 min Rusiya vətəndaşı, 42,6 min Ermənistan vətəndaşı, 19 min İsrail vətəndaşı, 15 min Ukrayna vətəndaşı, 12,6 min Azərbaycan vətəndaşı, 11 min Qazaxıstan vətəndaşı, 9,8 min Belarus vətəndaşı, 8,6 min Səudiyyə Ərəbistanı vətəndaşı ziyarət edib.
2022-ci ilin yanvar-aprel aylarında Azərbaycana 330,6 min, əvvəlki ilin eyni dövrü ilə müqayisədə 2 dəfə çox əcnəbi gəlib. Gələnlərin 26,2 faizi Rusiya, 25,3 faizi Türkiyə, 14,7 faizi İran, 6,1 faizi Gürcüstan, 3,2 faizi Ukrayna, 2,6 faizi Səudiyyə Ərəbistanı, 2,4 faizi Birləşmiş Ərəb Əmirlikləri, qalanları başqa ölkələrin vətəndaşlarıdır.
