126 dollar həndəvəri
Energetika Nazirliyinin 27 may məlumatına görə, “AzəriLayt” markalı Azərbaycan neftinin barreli 125,75 dollara satılır. Novator.az bildirir ki, bu, büdcədə nəzərdə tutulandan 75,75 dollar yuxarı qiymətdir.
2022-ci ilin dövlət büdcəsində bir barrel neftin qiyməti 50 dollardan götürülüb. “AzəriLayt” yanvara 82,49, fevrala 94,20, marta 102,30, aprelə 112,33, maya 110,70 dollarla başlayıb.
Yanvar-aprel aylarında Azərbaycanda kondensatla birlikdə 11,1 milyon ton neft çıxarılıb. Gündəlik xam neft hasilatı yanvarda 580,9 min barrel, fevralda 566,3 min barrel, martda 579,4 min barrel, apreldə 579,1 min barrel olub.
İri neft ixracatçılarını birləşdirən koalisiya may üçün gündəlik hasilatı 688 min barrel, iyun üçün 695 min barrel müəyyən edib.
