Əlillik meyarları təsdiqlənib
2022-ci il iyulun 1-də əlilliyin müəyyən olunması üzrə qanun dəyişikliyi qüvvəyə minir. Novator.az bildirir ki, yeni meyarlarla I dərəcə orqanizmin funksiyalarının 81-100 faiz itirilməsi, II dərəcə orqanizmin funksiyalarının 61-80 faiz itirilməsi, III dərəcə orqanizmin funksiyalarının 31-60 faiz itirilməsi kimi müəyyən edilir.
Mayın 17-də Nazirlər Kabineti əlilliyin müəyyən olunması meyarlarını təsdiqləyib. Sənədə görə, özünə qulluq etmək bacarığı insanın başlıca fizioloji tələbatlarını sərbəst şəkildə həyata keçirməsi, ev təsərrüfatında gündəlik ev işləri ilə məşğul olması, habelə şəxsi gigiyena bacarıqları sayılır, I dərəcə – tələb olunduğundan daha artıq vaxt sərf edərək, dağınıq formada və köməkçi texniki vasitələrdən istifadə etməklə özünə qulluq etmək bacarığı; II dərəcə – mütəmadi olaraq kənar şəxslərin qismən köməyi ilə, köməkçi texniki vasitələrdən istifadə etməklə özünə qulluq etmək bacarığı; III dərəcə – kənar şəxslərin daimi kömək və qayğısına ehtiyacın olması və kənar şəxslərdən tam asılılıqla əlaqədar özünə qulluq etmək bacarığının olmaması kimi rəsmiləşir.
