UEFA Çempionlar Liqasının 2022-2023 mövsümünə vəsiqə alan komandaların siyahısı yenilənib. Novator.az bildirir ki, ilkin mərhələdə (21-24 iyun) İslandiyadan “Vikinqur”, Estoniyadan “Levadiya” start götürür.

Birinci mərhələdə (5-13 iyul) Norveçdən “Bode-Qlimt”, İsveçdən “Malmö”, Bolqarıstandan “Ludoqorets”, Azərbaycandan “Qarabağ”, Qazaxıstandan “Tobol”, Macarıstandan “Ferensvaroş”, Belarusdan “Şaxtyor”, Slovakiyadan “Slovan”, Litvadan “Jalgiris” (Vilnüs), Bosniyadan “Zrinski”, İrlandiyadan “Şemrok Rovers”, Şimali Makedoniyadan “Şkupi”, Latviyadan RFS, Albaniyadan “Tirana”, Şimali İrlandiyadan “Linfild”, Gürcüstandan “Dinamo” (Batumi), Finlandiyadan HİK, Moldovadan “Şerif”, Maltadan “Hibernians”, Farer adalarından “Klaksvik”, Kosovodan “Balkani”, Cəbəllütariqdən “Linkoln”, Monteneqrodan “Sutyeska”, Uelsdən “Nyu Sents” yer alır.

İkinci mərhələdə (19-27 iyul) liqalar yolu ilə Ukraynadan “Dinamo”, çempionlar yolu ilə İsveçrədən “Sürix”, Yunanıstandan “Olimpiakos” var.

Üçüncü mərhələyə (2-9 avqust) liqalar yolu ilə Portuqaliyadan “Benfika”, Avstriyadan “Şturm” buraxılıb.

Dördüncü mərhələyə (16-24 avqust) Türkiyədən “Trabzonspor” düşüb.

Qrup mərhələsinə (6 sentyabr-2 noyabr) bu komandalar bilet alıb: İngiltərədən “Mançester Siti”, “Liverpul”, İspaniyadan “Real”, “Barselona”, İtaliyadan “Milan”, “İnter”, “Napoli”, “Yuventus”, Almaniyadan “Bavariya”, “Borussiya” (Dortmund), “Bayer”, Fransadan PSJ, Portuqaliyadan “Portu”, “Sportinq”, Avstriyadan “Zalsburq”, Ukraynadan “Şaxtyor”.

Niderlanddan “Ayaks”, PSV, Şotlandiyadan “Seltik”, “Reyncers”, Danimarkadan “Kopenhagen”, Kiprdən “Apollon”un turnirə hansı mərhələdən qoşulacağı hələ bilinmir.

İlkin, birinci mərhələlərdə ələnən komandalar Konfrans Liqasına, ikinci, üçüncü, dördüncü mərhələlərdə ələnən, qruplarda üçüncü yeri tutan komandalar Avropa Liqasına köç edəcək.