Siftə qiymət, yeni kvota
Azərbaycan nefti “AzəriLayt”ın barreli may ayına 110,70 dollarla start verib. Bu, büdcədə nəzərdə tutulandan 60,70 dollar yuxarı qiymətdir.
2022-ci ilin dövlət büdcəsində bir barrel neftin qiyməti 50 dollardan götürülüb. “AzəriLayt” yanvara 82,49, fevrala 94,20, marta 102,30, aprelə 112,33 dollarla başlayıb.
Gündəlik xam neft hasilatı yanvarda 580,9 min barrel, fevralda 566,3 min barrel, martda 579,4 min barrel olub.
Beynəlxalq razılaşma may üçün gündəlik hasilatı 688 min barrel müəyyən edib.
2022-ci ilin birinci rübündə Azərbaycanda 8,3 milyon tondan çox neft (kondensatla birlikdə) hasil edilib, bunun 6,7 milyon tona yaxını ixrac olunub.
Son illərin hasilat göstəriciləri belə rəsmiləşib: 2008-ci il – 44,5 milyon ton, 2009-cu il – 50,4 milyon ton, 2010-cu il – 50,8 milyon ton, 2011-ci il – 45,6 milyon ton, 2012-ci il – 43,4 milyon ton, 2013-cü il – 43,5 milyon ton, 2014-cü il – 42 milyon ton, 2015-ci il – 41,6 milyon ton, 2016-cı il – 41 milyon ton, 2017-ci il – 38,7 milyon ton, 2018-ci il – 38,8 milyon ton, 2019-cu il – 37,4 milyon ton, 2020-ci il – 34,5 milyon ton, 2021-ci il – 34,6 milyon ton.
