Media azadlığı reytinqi, Azərbaycanın yeri
“Sərhədsiz reportyorlar” beynəlxalq təşkilatı media azadlığı reytinqi açıqlayıb. Azərbaycan 180 ölkə arasında 154-cü yerdə göstərilir.
İlk üçlükdə Norveç, Danimarka, İsveç qərar tutur, siyahını Şimali Koreya qapayır.
Novator.az-ın məlumatına görə, Estoniya 4-cü, Litva 9-cu, Latviya 22-ci, Moldova 40-cı, Ermənistan 51-ci, Qırğızıstan 72-ci, Gürcüstan 89-cu, Ukrayna 106-cı, Qazaxıstan 122-ci, Özbəkistan 133-cü, Türkiyə 149-cu, Tacikistan 152-ci, Belarus 153-cü, Rusiya 155-ci, Türkmənistan 177-ci, İran 178-cidir.
1985-ci ildə yaradılan, mərkəzi qərargahı Fransanın paytaxtı Parisdə olan “Sərhədsiz reportyorlar” 2002-ci ildən media azadlığı reytinqi tərtib edir.
2002-ci ilin hesabatında Azərbaycan 101-ci yerdə olub. 2003-cü ildə ölkə 113-cü yerə, 2004-cü ildə 136-cı yerə, 2005-ci ildə 141-ci yerə geriləyib.
2006-cı ilin reytinqində Azərbaycan 135-ci yerdə göstərilib. 2007-ci ildə ölkə 139-cu yerdə, 2008-ci ildə 150-ci yerdə, 2009-cu ildə 146-cı yerdə, 2010-cu ildə 152-ci yerdə, 2011-2012-ci illərdə 162-ci yerdə qərar tutub.
2013-cü ildə Azərbaycan 156-cı yerdə olub, 2014-cü ilin reytinqində 160-cı, 2015-ci ilin reytinqində 162-ci, 2016-cı ilin reytinqində 163-cü yerə düşüb.
2017-ci ildə Azərbaycan 162-ci olub, 2018-ci ilin hesabatında 163-cü pillədə, 2019-cu ilin hesabatında 166-cı pillədə, 2020-ci ilin hesabatında 168-ci pillədə, 2021-ci ilin hesabatında 167-ci pillədə yer alıb.
Mənbə: Rsf.org
