Orta pensiya
Əmək və Əhalinin Sosial Müdafiəsi Nazirliyi 2022-ci il aprelin 1-nə pensiyaların orta aylıq məbləğini 363 manat göstərib, yaşa görə orta pensiyanın 394 manata çatdığını bəyan edib.
Əmək pensiyasının minimum məbləği 240 manatdır.
Rəsmi statistikaya əsasən, 2022-ci il yanvarın 1-nə Dövlət Sosial Müdafiə Fondunda 1 milyon 200,5 min pensiyaçı qeydiyyatda olub.
Fond aprelin 1-nə yaşa görə pensiya alanların sayının 708 min nəfəri keçdiyini bəyan edib.
Azərbaycanda kişilər 65, qadınlar 62 yaş yarımda pensiyaya çıxır. 2027-ci il iyulun 1-dək qadınların da pensiya yaşı 65-ə qalxacaq.
Pensiyaya çıxmaq üçün ya 25 il sığorta stajı, ya da minimum pensiya kapitalı (hazırda 34560 manatdır) tələb olunur. Əks halda pensiya yaşı çatan şəxsə 180 manat müavinət düşür.
