2022-ci ilin yanvar-mart aylarında Azərbaycan mehmanxanalarında ötən ilin eyni dövrü ilə müqayisədə 45,3 faiz çox – 435,3 min gecələmə qeydə alınıb. Dövlət Statistika Komitəsi bildirir ki, gecələmələrin 48,5 faizi Bakının, 10,8 faizi Qusarın, 8 faizi Qubanın, 7,6 faizi Qəbələnin, 6,1 faizi Şabranın, 3,4 faizi Naftalanın, 3,1 faizi Lənkəranın, 2,3 faizi Naxçıvan Muxtar Respublikasının, 1,2 faizi Şamaxının, 1,1 faizi Mingəçevirin, 7,9 faizi digər şəhər və rayonların payına düşüb.

Hesabata görə, üç ayda mehmanxanaların gəlirləri 2021-ci ilin eyni dövrü ilə müqayisədə 74,8 faiz artaraq 59,7 milyon manat olub.