UEFA-nın baş klub turniri olan Çempionlar Liqasının 2022-2023 mövsümündə 79 komandanın oynaması nəzərdə tutulur. Novator.az bildirir ki, 34 komandanın turnirdə iştirakı dəqiqləşib: İngiltərədən “Mançester Siti”, “Liverpul”, İspaniyadan “Real”, İtaliyadan “Milan”, “İnter”, Almaniyadan “Bavariya”, “Borussiya” (Dortmund), Fransadan PSJ, Portuqaliyadan “Portu”, “Sportinq”, “Benfika”, Avstriyadan “Zalsburq”, Şotlandiyadan “Seltik”, “Reyncers”, Türkiyədən “Trabzonspor”, Norveçdən “Bode-Qlimt”, İsveçdən “Malmö”, Bolqarıstandan “Ludoqorets”, Qazaxıstandan “Tobol”, Macarıstandan “Ferensvaroş”, Belarusdan “Şaxtyor”, Slovakiyadan “Slovan”, Litvadan “Jalgiris” (Vilnüs), Bosniyadan “Zrinski”, İrlandiyadan “Şemrok Rovers”, Şimali Makedoniyadan “Şkupi”, Latviyadan RFS, Gürcüstandan “Dinamo” (Batumi), Finlandiyadan HİK, Farer adalarından “Klaksvik”, Cəbəllütariqdən “Linkoln”, Uelsdən “Nyu Sents”, İslandiyadan “Vikinqur”, Estoniyadan “Levadiya”.

Mövsüm iyunun 21-də ilk ələmə mərhələsi ilə açılır, 2023-cü il iyunun 10-da final matçı ilə (İstanbul) bitir. İlkin sxemə görə, qrup mərhələsinə İngiltərə, İspaniya, İtaliya, Almaniya çempionatlarını ilk dörd sırada, Fransa, Portuqaliya çempionatlarını ilk iki sırada bitirən komandalar, Niderland, Belçika, Avstriya, Şotlandiya çempionları buraxılır.

Ukrayna, Türkiyə çempionları dördüncü mərhələdə start götürür.

Fransa, Portuqaliya çempionatlarının bürünc, Niderland, Belçika, Avstriya, Şotlandiya çempionatlarının gümüş mükafatçıları, Danimarka, Kipr çempionları üçüncü mərhələdə yer alır.

İkinci mərhələdə Ukrayna, Türkiyə, Danimarka, Kipr çempionatlarının gümüş mükafatçıları, Serbiya, Çexiya, Xorvatiya, İsveçrə çempionları qərar tutur.

Yunanıstan, İsrail, Norveç, İsveç, Bolqarıstan, Rumıniya, Azərbaycan, Qazaxıstan, Macarıstan, Belarus, Polşa, Sloveniya, Slovakiya, Litva, Lüksemburq, Bosniya, İrlandiya, Şimali Makedoniya, Ermənistan, Latviya, Albaniya, Şimali İrlandiya, Gürcüstan, Finlandiya, Moldova, Malta, Farer adaları, Kosovo, Cəbəllütariq, Monteneqro, Uels çempionları turnirə birinci mərhələdə, İslandiya, Estoniya, Andorra, San Marino çempionları ilkin mərhələdə qoşulur.

İlkin, birinci mərhələlərdə ələnən komandalar Konfrans Liqasına, ikinci, üçüncü, dördüncü mərhələlərdə ələnən, qruplarda üçüncü yeri tutan komandalar Avropa Liqasına köç edəcək.

Rusiyanın klubları beynəlxalq yarışlara buraxılmır.