Bank sektorunun ilk rübü
2022-ci il aprelin 1-nə Azərbaycanda 17 milyard 528,2 milyon manat kredit, 10 milyard 372 milyon manat əmanət rəsmiləşib. Mərkəzi Bank belə hesabat yayıb.
Novator.az statistikaya əsasən bildirir ki, 2022-ci il 16 milyard 659,1 milyon manat kredit, 9 milyard 241,5 milyon manat əmanətlə başlamışdı.
Açıqlamaya görə, aprelin 1-nə Azərbaycanda 685,2 milyon manat problemli kredit qeydə alınıb. İlin əvvəlindəki göstərici 719,4 milyon manat idi.
Başqa hesabata əsasən, aprelin 1-nə Azərbaycanda fəaliyyət göstərən 26 bankın 486 filialı, 95 şöbəsi olub, bank sektorunda 21031 nəfər çalışıb.
Bankların cəmi aktivləri 39 milyard 673,2 milyon manat, cəmi öhdəlikləri 34 milyard 731,7 milyon manat göstərilir.
