Tofiq Yaqublunun işi aşağı məhkəməyə qayıtdı
Aprelin 12-də Ali Məhkəmə siyasətçi Tofiq Yaqublunun şikayəti üzrə proses keçirib. Novator.az-a danışan Tofiq Yaqublu deyib ki, iş Bakı Apellyasiya Məhkəməsinə qaytarılıb.
Azadlıqdan şərti məhrumetmə cəzası çəkən Tofiq Yaqublu Ali Məhkəməyə bəraət istəyi ilə üz tutmuşdu. Onun sözlərinə görə, Ali Məhkəməyə şikayətdə Avropa İnsan Hüquqları Məhkəməsinin qərarlarına istinad yer alır: “Ali Məhkəmə ingilis dilində olan həmin məqamların Azərbaycan dilinə çevrilməsini zəruri saydı və bu üzdən işin Bakı Apellyasiya Məhkəməsinə qaytarılması qərarı verildi”.
Müsavat Partiyasının və Demokratik Qüvvələrin Milli Şurasının üzvü olan Tofiq Yaqublu 2020-ci il martın 22-də tutulub. İttihama əsasən, o, həmin gün öz avtomobili ilə paytaxtın Nizami rayonunda qaydaları pozub, Elxan Cəbrayılovun idarə etdiyi avtomobillə toqquşmadan sonra mübahisə zəminində ona və yoldaşı Cəvahir Cəbrayılovaya xəsarət yetirib.
Siyasətçi ittihamı qəbul etməyərək bildirib ki, Elxan Cəbrayılov qəsdən qəza törədib, sonra dava salıb. Onun sözlərinə görə, hadisənin təxribat olduğunu anladığı üçün maşınının qapısını kilidləyib, şüşəni qaldırıb və polis gəlməyənə kimi yerə düşməyib, heç kimi vurmayıb.
İbtidai istintaqı Nizami Rayon Polis İdarəsi aparıb.
2020-ci il sentyabrın 3-də Nizami Rayon Məhkəməsinin siyasətçiyə 4 il 3 ay müddətinə azadlıqdan məhrumetmə cəzası kəsib.
Tofiq Yaqublu Nizami Rayon Məhkəməsindəki proses bitməzdən bir gün əvvəl – sentyabrın 2-də Bakının Şüvəlan qəsəbəsindəki 3 saylı İstintaq Təcridxanasında bəraət və azadlıq tələbi ilə aclıq aksiyasına başlayıb, vəziyyəti ağırlaşdığı üçün sentyabrın 12-də paytaxtdakı “City Hospital” xəstəxanasına köçürülüb.
Sentyabrın 18-də Bakı Apellyasiya Məhkəməsi Tofiq Yaqublu haqqında həbs qətimkan tədbirini ev dustaqlığı ilə əvəzləyib. Siyasətçi həmin gün aclıq aksiyasını dayandırıb və evə buraxılıb.
2021-ci il iyulun 15-də Bakı Apellyasiya Məhkəməsi Tofiq Yaqublunun şikayəti üzrə yekun iclas keçirib, 4 il 3 aylıq azadlıqdan məhrumetmə cəzasının yerdə qalan hissəsini şərti cəza ilə əvəzləyib.
Tofiq Yaqublu şərti cəzanı da qanunsuz sayır, bəraət tələb edir.
1961-ci il təvəllüdlü Tofiq Yaqublu milli azadlıq hərəkatının (1988-1991) fəalı, Birinci Qarabağ müharibəsinin veteranıdır. Əbülfəz Elçibəyin prezidentliyi dövründə (1992-1993) Binəqədi Rayon İcra Hakimiyyəti başçısının birinci müavini vəzifəsində çalışıb.
1998-ci ildə 2 il müddətinə şərti azadlıqdan məhrumetmə cəzasına məhkum edilib.
2013-cü il fevralın 4-dən 2016-cı il martın 17-dək həbsdə olub.
Tofiq Yaqublu yenə həbsə gedir
Tofiq Yaqublunun məhkəməsi qapalı keçiriləcək
Ev dustaqlığına da yox deyildi
Tofiq Yaqublu nədən narazıdır?
Məhkəmənin Tofiq qərarı dəyişməz qaldı
Həbsin uzadılması: şikayət təmin olunmadı
Tofiq Yaqublu məhkəməni səbirsizliklə gözləyir
Tofiqin mühakiməsi “yox”larla başladı
Tofiq Yaqublu: “Mən əsir götürülmüş şəxsəm”
“Yalan danışıb qapını bağlayırsan, sonra da deyirsən…”
Tofiqin əsgər oğlunun problemi var
Üç vəsatətdən biri təmin olundu
Hökm ərəfəsində: Tofiq aclığa başladı
Tofiq Yaqublu: “Sona qədər gedəcəm”
Professor Tofiqin təhlükədə olduğunu yazır
Tofiq Yaqublunun halı pisləşib, ancaq aksiyanı dayandırmır
Sabir Rüstəmxanlı Tofiq Yaqublu ilə bağlı açıqlama yayıb
Adil Qeybulla Tofiq Yaqubluya baş çəkməsindən danışdı
Tofiq Yaqublu xəstəxanaya köçürülüb
“Azad olmaq Tofiq bəyin haqqıdır”
Tofiq Yaqublu palataya köçürülüb
Aclığın 14-cü günü: vəziyyət gərgindir
Tofiq Yaqublu sudan da imtina edə bilər
Yoldaşı Tofiq Yaqubluya baş çəkib
Aclıq davam edir, yeni müayinə və müraciət var
Tofiq Yaqublu: azadlıq məsələsinə bu gün baxılır
Tofiq Yaqublunun məhkəməsi: bir vəsatət təmin olundu
Tofiq Yaqublunun məhkəməsi başqa vaxta qaldı
