Yoluxma, itki, peyvənd
Son rəsmi hesabata əsasən, Azərbaycanda 202 nəfər koronavirus xəstəsi var, infeksiyaya yoluxmuş 792237 nəfərin 9703-ü vəfat edib.
2019-cu ilin dekabrında Çində üzə çıxıb dünyanı bürüyən infeksiya Azərbaycanda 2020-ci il fevralın 28-də qeydə alınıb, həmin il 218700 yoluxma, 2641 ölüm, sonrakı il 398247 yoluxma, 5717 ölümlə bitib.
Novator.az-ın məlumatına görə, 2022-ci ilin statistikası belədir:
yanvar – 41523 yoluxma, 376 ölüm
fevral – 127200 yoluxma, 683 ölüm
mart – 6262 yoluxma, 275 ölüm
aprel – 305 yoluxma, 11 ölüm.
2021-ci il yanvarın 18-dən ölkədə koronavirusa qarşı peyvəndləmə gedir. Statistikaya əsasən, 5,3 milyon nəfərə bir doza, 4,8 milyon nəfərə iki doza, 3,1 milyon nəfərə iki dozadan çox, 233,7 min nəfərə xəstəlikdən sonra bir doza peyvənd vurulub.
