Paşinyan hökumətində iki boşluq
Ermənistan hökumətində iki boş yer var. Novator.az bildirir ki, 2021-ci il avqustun 4-dən yüksək texnologiyalar sənayesi naziri olmuş Vaahn Xaçaturyan 2022-ci il martın 3-də ölkə prezidenti seçilib, martın 13-də and içərək səlahiyyətlərinin icrasına başlayıb.
2020-ci il noyabrın 20-dən fövqəladə hallar naziri postunu tutmuş Andranik Piloyan isə 2022-ci il martın 30-da xüsusilə külli miqdarda rüşvət almaq ittihamı ilə həbs edilib, aprelin 1-də vəzifədən götürülüb.
Hökumətə Nikol Paşinyan rəhbərlik edir. Nikol Paşinyan baş nazir postuna 2018-ci il mayın 8-də xalq hərəkatı dalğasında gəlib. 2018-ci il dekabrın 9-da onun “Mənim addımım” bloku, 2020-ci il iyunun 20-də sədrlik etdiyi Vətəndaş Sazişi Partiyası parlament seçkilərində qalib gələrək hökumət qurub.
Nikol Paşinyanın iki müavini var: Mger Qriqoryan və Ambarsum Matevosyan.
Ararat Mirzoyan xarici işlər naziri, Suren Papikyan müdafiə naziri, Karen Andreasyan ədliyyə naziri, Vaan Kerobyan iqtisadiyyat naziri, Tiqran Xaçatryan maliyyə naziri, Qnel Sanosyan ərazi idarəçiliyi və infrastruktur naziri, Narek Mkrtçyan əmək və sosial məsələlər naziri, Anait Avanesyan səhiyyə naziri, Vaqram Dumanyan elm, təhsil, mədəniyyət və idman naziri, Akop Simidyan ətraf mühit naziridir.
