Beynəlxalq yardım komissiyasının əsasnaməsi
Martın 28-də fərman imzalayan prezident İlham Əliyev Beynəlxalq Humanitar Yardım üzrə Dövlət Komissiyası haqqında əsasnaməni təsdiqləyib. Nazirlər Kabinetinə Azərbaycan ərazisinə daxil olan humanitar yüklərin qəbulu, uçotu, təyinat yerinə çatdırılması, saxlanması, mühafizəsi və bölgüsü qaydalarını dörd ay müddətində rəsmiləşdirmək tapşırılıb.
Əsasnaməyə görə, Beynəlxalq Humanitar Yardım üzrə Dövlət Komissiyası xarici dövlətlərdən və beynəlxalq təşkilatlardan Azərbaycana daxil olan humanitar yardımlar üzrə işlərin təşkili, həmçinin Azərbaycanın xarici dövlətlərə və beynəlxalq təşkilatlara humanitar yardımlar göndərməsi işlərinə məsuldur.
Komissiyanın tərkibini müəyyən etmək və sədrin təyinatı prezidentin səlahiyyətindədir.
