Rubl dibə gedir
Ukraynaya hərbi təcavüzə görə dünya birliyinin Rusiyaya tətbiq etdiyi sanksiyalar ölkənin milli valyutasını çökdürür. Azərbaycan Mərkəzi Bankı martın 5-də 100 Rusiya rubluna 1 manat 38 qəpik qiymət qoyub. Novator.az bildirir ki, bu, 2022-ci ilin ən aşağı rəsmi məzənnəsidir.
100 Rusiya rublu yanvara 2 manat 25 qəpik, fevrala 2 manat 22 qəpik, marta 1 manat 63 qəpiklə qədəm qoyub.
2014-cü ildə Rusiya Ukraynanın Krım yarımadasını zəbt edərək özünə birləşdirib, Donbas bölgəsinin bir hissəsində iki separatçı rejim qurub. 2022-ci il fevralın 21-də Rusiya “Donetsk Xalq Respublikası” və “Luqansk Xalq Respublikası” adları verilmiş həmin rejimləri müstəqil dövlətlər kimi tanıyıb, fevralın 24-dən isə Ukraynada total hərbi əməliyyatlar aparır.
