Harada neçə xəstə var?
Martın 2-nə olan beynəlxalq statistikaya görə, 213 ölkə və ərazidə 61,8 milyon aktiv koronavirus xəstəsi var. Novator.az bildirir ki, Rusiyada 2 milyon 394 min 458 nəfər, Ukraynada 646099, Türkiyədə 616964, İranda 257975 şəxs müalicə altındadır.
Latviyada aktiv xəstə sayı 139651, Estoniyada 119572, Litvada 89821, Gürcüstanda 82956 nəfər göstərilir.
Worldometers.info-nun hesabata əsasən, Qazaxıstanda 18815, Moldovada 13614, Ermənistanda 8762, Belarusda 5103, Qırğızıstanda 2228, Özbəkistanda 1769 koronavirus xəstəsi qeydə alınıb.
Tacikistanda 1 nəfərin müalicə aldığı vurğulanır.
2019-cu ilin dekabrında Çində üzə çıxıb dünyanı bürüyən koronavirus infeksiyasına Azərbaycanda ilk yoluxma 2020-ci il fevralın 28-də rəsmiləşib. Son rəsmi hesabata görə, ölkədə 786502 nəfər koronavirusa yoluxub, onların 9438-i vəfat edib, 9362-si aktiv xəstədir, qalanları sağalıb.
