Turizmin yeni statistikası
2022-ci ilin yanvarında Azərbaycana 128 ölkədən 74 min nəfər gəlib (2021-ci ilin ilk ayına nəzərən 2,1 dəfə çox). Dövlət Statistika Komitəsinin məlumatına görə, gələnlərin 35,3 faizi Rusiya, 24,1 faizi Türkiyə, 12,9 faizi İran, 5,6 faizi Gürcüstan, qalanları başqa ölkələrin vətəndaşlarıdır.
Rəsmi hesabata əsasən, 2021-ci ilin yanvarı ilə müqayisədə xarici ölkələrə gedən Azərbaycan vətəndaşlarının sayı 3,2 dəfə artaraq 89,6 min nəfər olub. Ölkə vətəndaşlarının 39,4 faizi Türkiyəyə, 25,8 faizi Rusiyaya, 8 faizi Gürcüstana, 9,7 faizi İrana, 17,1 faizi başqa ölkələrə səfər edib.
