Peyvənd hesabatı
Milli statistikaya görə, Azərbaycanda koronavirus infeksiyasına qarşı 12,7 milyondan çox peyvənd vurulub. 5 milyon 285 min 339 nəfərin bir doza, 4 milyon 775 min 34 nəfərin iki doza, 2 milyon 533 min 323 nəfərin iki dozadan çox peyvənd aldığı bildirilir.
Azərbaycanda peyvəndləmə 2021-ci il yanvarın 18-də başlayıb.
2019-cu ilin dekabrında Çində üzə çıxaraq dünyanı bürüyən koronavirus infeksiyasına Azərbaycanda ilk yoluxma 2020-ci il fevralın 28-də qeydə alınıb, 2022-ci il fevralın 21-dək 775432 yoluxma, 9261 ölüm rəsmiləşib.
