Ramiz Mehdiyevin istefası qəbul olundu
Fevralın 19-da Azərbaycan Milli Elmlər Akademiyasının (AMEA) ümumi yığıncağı keçirilib. Həqiqi üzvlərdən ibarət bu ali idarəetmə orqanı Ramiz Mehdiyevin AMEA prezidenti vəzifəsindən istefasını qəbul edib.
Ramiz Mehdiyev fevralın 14-də istefa verib. O, 2019-cu il oktyabrın 23-dən prezident idi.
Ümumi yığıncağın qərarına görə, prezident səlahiyyətləri Fizika İnstitutunun baş direktoru, birinci vitse-prezident vəzifəsinin icraçısı Arif Həşimova keçib. Novator.az bildirir ki, 1949-cu il təvəllüdlü Arif Həşimov energetik, texnika elmləri doktoru, əməkdar elm xadimidir. 2007-ci ildən AMEA-nın həqiqi üzvüdür.
Yeni prezidentin növbəti yığıncaqda seçiləcəyi bəyan olunub.
Əsası 1945-ci ildə qoyulan AMEA dövlət ali elmi təşkilatıdır. Qurumun fəaliyyətinə rəhbərlik edən AMEA prezidenti ümumi yığıncaqda 5 il müddətinə seçilir və Azərbaycan prezidentinin sərəncamı ilə təsdiqlənir.
1945-ci ildən bəri akademiyanın prezidenti postunu bu şəxslər də tutub: Mir Əsədulla Mirqasımov, Musa Əliyev, Yusif Məmmədəliyev, Zahid Xəlilov, Rüstəm İsmayılov, Həsən Abdullayev, Eldar Salayev, Fəraməz Maqsudov, Mahmud Kərimov, Akif Əlizadə.
Ramiz Mehdiyev Milli Elmlər Akademiyasının prezidenti oldu
Toy qırğını: Siyavuş Novruzov istefa verdi
AMEA: kimlərin prezident seçmək hüququ var?
Ramiz Mehdiyev istefa çağırışlarına münasibət bildirdi
