Yaxın ölkələrin itkiləri
Fevralın 8-nə olan beynəlxalq statistikaya görə, dünyada 398,2 milyon adam koronavirus infeksiyasına yoluxub, 215 ölkə, ərazi və məkanda 5,7 milyon ölüm qeydə alınıb. Novator.az bildirir ki, yaxın ölkələrdən ən çox Rusiya itki verib: 336023 nəfər.
İranda 132934, Ukraynada 101392, Türkiyədə 88970 nəfər koronavirus xəstəsi vəfat edib.
Digər yaxın ölkələr ölüm sayına görə belə sıralanır:
Gürcüstan – 15246 nəfər
Qazaxıstan – 13381
Moldova – 10776
Ermənistan – 8097
Litva – 7999
Belarus – 6159
Latviya – 4960
Qırğızıstan – 2909
Estoniya – 2065
Özbəkistan – 1588
Tacikistan – 124.
Mənbə: Worldometers.info
2019-cu ilin dekabrında Çində üzə çıxan koronavirus infeksiyasına Azərbaycanda ilk yoluxma 2020-ci il fevralın 28-də, xəstəlikdən ilk ölüm martın 12-də rəsmiləşib. Son rəsmi hesabata görə, ölkədə ümumilikdə 703334 nəfər koronavirusa yoluxub, onların 8898-i vəfat edib. Aktiv xəstə sayı 45924 nəfər göstərilir.
