Azərbaycan sosial inkişaf reytinqində
Mərkəzi qərargahı Böyük Britaniyanın paytaxtı Londonda olan “Deloyt” (“Deloitte”) beynəlxalq məsləhət və audit şirkəti Sosial İnkişaf İndeksi açıqlayıb. Norveçin başçılıq etdiyi reytinqi Cənubi Sudan qapayır.
Novator.az-ın məlumatına görə, indeks qidaya, suya, tibbi xidmətlərə əlçatanlıq, şəxsi təhlükəsizlik; baza biliklərinə əlçatanlıq, səhiyyənin durumu, ekoloji vəziyyət; insan hüquqları, azadlıq və seçim imkanları, ali təhsilə əlçatanlıq kimi meyarlara əsaslanır.
Azərbaycan 168 ölkə arasında 107-ci yerdə göstərilir.
Estoniya 21-ci, Litva 27-ci, Latviya 34-cü, Ukrayna 48-ci, Gürcüstan 49-cu, Belarus 54-cü, Ermənistan 55-ci, Moldova 60-cı, Rusiya 62-ci, Qazaxıstan 64-cü, Qırğızıstan 82-ci, Türkiyə 87-ci, Özbəkistan 95-ci, İran 98-ci, Türkmənistan 120-ci, Tacikistan 123-cü sıradadır.
