Yaxın ölkələrlə alış-veriş
2021-ci ildə Azərbaycandan Türkiyəyə 2,8 milyard dollarlıq məhsul ixrac olunub. Novator.az-ın məlumatına görə, Dövlət Gömrük Komitəsi bildirir ki, Rusiyaya 920,8 milyon, Gürcüstana 661 milyon, Ukraynaya 452,4 milyon, Belarusa 295,5 milyon dollarlıq ixrac rəsmiləşib.
İrana ixrac 43,2 milyon, Qazaxıstana 39,8 milyon, Türkmənistana 34,2 milyon, Özbəkistana 33,4 milyon, Litvaya 13,9 milyon, Latviyaya 9,8 milyon, Tacikistana 7,3 milyon, Qırğızıstana 6 milyon, Estoniyaya 1,7 milyon, Moldovaya 1,2 milyon dollar göstərilir.
Xarici ticarət hesabatına əsasən, 2021-ci ildə Azərbaycan Rusiyadan 2 milyard 74,3 milyon dollarlıq, Türkiyədən 1,8 milyard dollarlıq mal alıb.
Ukraynadan Azərbaycana 470 milyon, İrandan 397,5 milyon, Belarusdan 128,9 milyon, Gürcüstandan 102,6 milyon, Qazaxıstandan 95,9 milyon, Özbəkistandan 78,4 milyon, Türkmənistandan 70,7 milyon, Litvadan 28,1 milyon, Latviyadan 17,3 milyon, Moldovadan 5 milyon, Estoniyadan 4,3 milyon, Qırğızıstandan 2,9 milyon dollarlıq, Tacikistandan 185,2 min dollarlıq məhsul göndərilib.
