2021-ci ilin xarici ticarət göstəriciləri açıqlanıb. Novator.az bildirir ki, rəsmi məlumata görə, Dövlət Gömrük Komitəsi ötən il 188 ölkə ilə ticarət əməliyyatı, 22,2 milyard dollarlıq ixrac, 11,7 milyard dollarlıq idxal qeydə alıb, büdcəyə 4,3 milyard manat vəsait ödəyib.
Hesabata əsasən, ixracın 8,1 faizə yaxını MDB ölkələrinin, 58,8 faizi Avropa İttifaqı ölkələrinin, 33,1 faizi başqa ölkələrin payına düşüb.
İdxalda MDB-nin payı 25 faiz, Avropa İttifaqının payı 18,2 faiz, başqa ölkələrin payı 56,8 faizə yaxındır.
2021-ci ilin əsas tərəfdaşı İtaliya olub, bu ölkə ilə ticarət ümumi dövriyyənin 28,4 faizi həcmində rəsmiləşib. İxracda əsas ölkə kimi İtaliya (ümumi ixracın 41,6 faizi), idxalda Rusiya (ümumi idxalın 17,7 faizi) göstərilib.
Statistikaya görə, ixracın 87,7 faizi neft-qaz sektoruna daxil olan mallardır, idxalda ən böyük pay maşın, mexanizm, elektrik avadanlıqları və onların hissələrini əhatə edir: 23,4 faiz.