Mehmanxanalarının gəlirləri 79,1 faiz artıb
Dövlət Statistika Komitəsi mehmanxana və bu tipli müəssisələrin fəaliyyəti haqqında illik hesabat yayıb. Rəsmi məlumata görə, 2021-ci ildə Azərbaycanın mehmanxanalarında keçirilmiş gecələmələrin sayı 2020-ci illə müqayisədə 78,7 faiz artıb, cecələmələrin 48,7 faizi Bakının, 7,9 faizi Qəbələnin, 6,7 faizi Xaçmazın, 5,9 faizi Qubanın, 5,8 faizi Şabranın, 4,2 faizi Lənkəranın, 3,9 faizi Qusarın, 2,7 faizi Naftalanın, 2,2 faizi Naxçıvan Muxtar Respublikasının, 1,6 faizi Şamaxının, 1,5 faizi Qaxın, 1,1 faizi Masallının, 1 faizi Mingəçevirin, 6,8 faizi digər şəhər və rayonların payına düşüb.
Statistikaya əsasən, 2021-ci ildə ölkə mehmanxanalarının gəlirləri 2020-ci illə müqayisədə 79,1 faiz artaraq 209,2 milyon manat olub.
