Yoluxma, ölüm, peyvənd
Rəsmi statistikaya görə, 2020-2022-ci illərdə Azərbaycanda 629352 nəfər koronavirus infeksiyasına yoluxub, onların 8564-ü vəfat edib. Novator.az bildirir ki, yoluxmaların 12405-i, itkilərin 206-sı bu ilin payına düşür.
2019-cu ilin dekabrında Çində üzə çıxıb dünyanı bürüyən infeksiyaya Azərbaycanda ilk yoluxma 2020-ci il fevralın 28-də, xəstəlikdən ilk ölüm martın 12-də qeydə alınıb.
2020-ci ildə 218700 yoluxma, 2641 ölüm, 2021-ci ildə 398247 yoluxma, 5717 ölüm olub.
2021-ci il yanvarın 18-dən koronavirusa qarşı peyvənd kampaniyası gedir. Hesabata əsasən, 5 milyon 208 min 739 nəfər bir doza, 4 milyon 723 min 586 nəfər iki doza, 1 milyon 824 min 241 nəfər üç doza peyvənd alıb.
