Başçılardan biri
2 sentyabr 2015-ci ildən Abşeron Rayon İcra Hakimiyyətinin başçısı olmuş İradə Gülməmmədova 2022-ci il yanvarın 19-da vəzifədən azad edilib. Novator.az bildirir ki, bununla qadın icra başçılarının sayı 1-ə düşüb: 2021-ci il oktyabrın 6-dan Sədərək Rayon İcra Hakimiyyətinin başçısı postunu Mahirə Adnayeva tutur.
Azərbaycanın rayonları, şəhərləri, şəhər rayonlarında icra hakimiyyətinin başçısı vəzifəsi 1991-ci il oktyabrın 18-də prezident fərmanı ilə yaradılıb. 30 ildə daha 4 qadın icra başçısı olub: Dilrubə Camalova – Lənkəran Şəhər İcra Hakimiyyətinin başçısı (1993-2000); Sədaqət Qəhrəmanova – Əli Bayramlı (indiki Şirvan) Şəhər İcra Hakimiyyətinin başçısı (1995-2005); Səmayə Piriyeva – Sabirabad Rayon İcra Hakimiyyətinin başçısı (1999-2000); Fidumə Hüseynova – Binəqədi Rayon İcra Hakimiyyətinin başçısı (2003-2005).
Azərbaycanda ən yüksək vəzifəli qadın birinci vitse-prezident Mehriban Əliyevadır.
Sahibə Qafarova Milli Məclisin sədridir.
Nazirlər Kabineti üzvləri arasında bir qadın var: Ailə, Qadın və Uşaq Problemləri üzrə Dövlət Komitəsinin sədri Bahar Muradova.
