Tağıyev abidəsi
Prezident İlham Əliyev yanvarın 18-də xeyriyyəçi Hacı Zeynalabdin Tağıyevin Bakıda, “İçərişəhər” metro stansiyası yaxınlığındakı meydançada ucaldılan abidəsinin açılışında iştirak edib.
Hacı Zeynalabdin Tağıyev 1838-ci ildə Bakıda doğulub. Neft sənayesi və başqa sahələrdə fəaliyyət göstərən milyonçu, xeyriyyəçi kimi tanınıb, təhsil, mədəniyyət ocaqlarının tikintisinə, sosial layihələrə sponsorluq edib.
1920-ci ildə Azərbaycanda sovet hakimiyyəti qurulandan sonra sərvəti əlindən alınıb.
Hacı Zeynalabdin Tağıyev 1924-cü ildə vəfat edib, Mərdəkan qəsəbəsində dəfn olunub.
