Nazarbayev üzə çıxdı
Yanvarın 18-də Qazaxıstanın birinci prezidenti Nursultan Nazarbayevin müraciəti yayılıb. Novator.az-ın məlumatına görə, video vasitəsilə xalqa səslənən Nursultan Nazarbayev Qazaxıstanda baş vermiş qanlı hadisələrə toxunub, həlak olanların ailələrinə başsağlığı verib, ölkənin müstəqilliyinin, ərazi bütövlüyünün qorunmasının vacib olduğunu vurğulayıb.
Nursultan Nazarbayev 2019-cu ildə prezident postundan getdiyini xatırladıb, indiki dövlət başçısı Qasım-Comərd Tokayevə dəstəyini ifadə edib, hakim elitada hər hansı parçalanmanın olmadığını deyib.
Nursultan Nazarbayev ölkəni tərk etmədiyini, Qazaxıstanın paytaxtında olduğunu bildirib.
1940-cı il təvəllüdlü Nursultan Nazarbayev 1989-cu ildən Qazaxıstana rəhbərlik edib, 1990-cı ildən 2019-cu il martın 20-dək prezident postunu tutub.
Nursultan Nazarbayev özündən sonrakı prezidentin – Qasım-Comərd Tokayevin dövründə Təhlükəsizlik Şurasına sədrliyi davam etdirib, həmin vəzifədən 2022-ci il yanvarın 5-də uzaqlaşdırılıb.
2022-ci il yanvarın 1-dən Qazaxıstanda maye qaz ikiqat bahalaşıb, bu, kütləvi etiraz aksiyalarına gətirib, hökumət qüvvələri ilə toqquşmalar, iğtişaşlarla müşayiət olunub. Yanvarın 5-də hökumət istefaya göndərilib, ölkədə fövqəladə vəziyyət rejimi tətbiq edilib. Həmin gün prezident Qasım-Comərd Tokayev sabitliyin bərpası üçün Kollektiv Təhlükəsizlik Müqaviləsi Təşkilatından (KTMT) hərbi yardım istəyib. Yanvarın 6-dan başlayaraq KTMT-nin hərbi kontingenti Qazaxıstana yeridilib.
Yanvarın 11-i Qazaxıstanda yeni hökumət qurulub, vəziyyət sabitləşməyə başlayıb, bir çox bölgədə fövqəladə vəziyyət rejimi ləğv edilib. Yanvarın 13-dən KTMT hərbçiləri Qazaxıstandan çıxarılır. 1992-ci ildə yaradılmış bu hərbi-siyasi quruma Rusiya, Belarus, Ermənistan, Qazaxıstan, Qırğızıstan və Tacikistan daxildir.
Son məlumata əsasən, Qazaxıstandakı toqquşma və iğtişaşlarda 225 nəfər həlak olub.
Qanlı hadisələr baş verəndən bəri, yanvarın 18-dək Nursultan Nazarbayev heç yerdə görünməyib, onun hər hansı açıqlaması yayılmayıb.
Qazaxıstan hökuməti istefaya göndərildi
Qazaxıstan üsyanı Nazarbayevi aşırır
Qazaxıstan hadisələrinin üzdə olan xronologiyası
Qazaxıstana hərbi müdaxilə nəyə gətirəcək?
Qazaxıstanda Putin doktrinası – “Bloomberg”
KTMT Qazaxıstana nə qədər qüvvə göndərib?
Qazaxıstan Putinə nədən qorxmalı olduğunu xatırladır
“Qazaxıstan böhranı SSRİ-ni yoxdan var edə bilər”
Azərbaycanda Qazaxıstan bəyanatı
Rusiyanın Qazaxıstana hərbi müdaxiləsinin mümkün nəticələri
“Sky News”un Almatıdan reportajı: ölənlərin çoxu başından güllələnib
