Omikron Azərbaycanda
Yanvarın 10-da Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyinin birgə məlumatı yayılıb. Məlumatda qeyd olunur ki, ölkəyə xaricdən gələn 12 şəxsdə koronavirus infeksiyasının omikron variantı aşkarlanıb.
Omikron infeksiyanın 2021-ci ilin noyabr ayında Cənubi Afrika Respublikasında qeydə alınmış yeni variantına Dünya Səhiyyə Təşkilatının verdiyi addır.
2019-cu ilin dekabrında Çində üzə çıxaraq dünyanı bürüyən yeni növ koronavirus infeksiyası 5,5 milyondan çox adamın ölümünə səbəb olub.
Azərbaycanda ilk yoluxma 2020-ci il fevralın 28-də qeydə alınıb, 2022-ci il yanvarın 10-dək 621234 yoluxma, 8445 ölüm rəsmiləşib.
2021-ci il yanvarın 18-dən Azərbaycanda koronavirus infeksiyasına qarşı peyvəndləmə gedir. Son rəsmi hesabata görə, 5 milyon 184 min 45 nəfər bir doza, 4 milyon 695 min 326 nəfər iki doza, 1 milyon 619 min 1 nəfər üç doza peyvənd alıb.
