Media qanunu son oxunuşda
Dekabrın 30-da Milli Məclis “Media haqqında” qanun layihəsini üçüncü – sonuncu oxunuşda qəbul etməlidir. Layihə dövlət başçısının 12 yanvar 2021-ci il fərmanı ilə hazırlanaraq dekabrın 10-da dərc edilib, parlamentdə dekabrın 14-də ilk, dekabrın 20-də ikinci oxunuşdan keçib. Üçüncü oxunuş ərəfəsində ilkin layihəyə dəyişikliklər edilib.
Novator.az bildirir ki, əsas yeniliklərdən biri qanunun 2022-ci il yanvarın 1-dən qüvvəyə minməsi hökmünün aradan qaldırılmasıdır.
13-cü maddənin (İnformasiyadan istifadə edilməsi) bir hissəsi yeni redaksiyada verilir:
13.1. Media subyekti digər media subyektinin informasiyasını və proqramlarını istinad etməklə abunəlik və ya müqavilə əsasında istifadə edə bilər.
13.2. Abunəlik və ya müqavilə olmadıqda media subyekti digər media subyektinin hər bir informasiyasının yalnız üçdə birindən çox olmayan hissəsini istinad etməklə istifadə edə bilər.
13.3. Bu Qanunun 13.1-ci və 13.2-ci maddələri istinadla bağlı tələb istisna olmaqla dövlət orqanları (qurumları) tərəfindən yayılan rəsmi məlumatlara (press-relizlərə) və informasiya agentliklərinin informasiyasından istifadə hallarına şamil edilmir.
Mediada dərc olunan və (və ya) yayımlanan informasiyaya dair tələblər müəyyən edən 14-cü maddə qismən yenilənir:
14.1.11. faktlar və hadisələr qərəzsiz və obyektiv təqdim olunmalı, birtərəfliliyə yol verilməməlidir.
Media subyektinə dair tələblər qoyan 26-cı maddənin yeni redaksiyasına görə, siyasi partiyalar və dini qurumlar yalnız çap mediasının təsisçisi (iştirakçısı) ola bilərlər.
30-cu maddədə (Platforma yayımçısı) dəyişikliyə görə, internet televiziyaları istisna olmaqla digər platforma yayımçıları lisenziya əsasında fəaliyyət göstərir. Birbaşa internet üzərindən audiovizual proqramlar yayımlayan şəxslər yalnız öz müraciətləri əsasında platforma yayımçısı lisenziyası ala bilərlər.
“Media haqqında” qanunun qeyri-rəsmi layihəsi
Media qanunu ilk oxunuşda (Rəsmi layihə)
Xalq Partiyası media qanunu layihəsinə qarşı çıxdı
Media qanunu: layihəni geri çəkmək təklif olunur
Media qanunu: reaksiyalara reaksiya verildi
Media qanunu: 8 partiyadan çağırış gəldi
Media qanunu: bir razılaşma var
Media qanununa yazılı təkliflər
Media qanunu: son oxunuş neçə maddəyə əl gəzdirir?
