2021-ci il Azərbaycanın bir çox tanınmış şəxsini həyatdan qopardı. Novator.az bildirir ki, yanvarda jurnalist Ənvər Börüsoy, bəstəkar Nailə Mirməmmədli, veteran futbolçu Rafiq Əlizadə, fevralda müğənni Yalçın Rzazadə, martda şair, yazıçı-publisist Azər Abdulla, tarixçi alim Dilavər Əzimli dünyasını dəyişdi.

Apreldə gənclər və idman naziri Azad Rəhimov, kino xadimi Eldar Quliyev, müğənni Baloğlan Əşrəfov, gitaraçı Rafiq Hüseynov (Rəmiş), mayda şairlər Fikrət Qoca, Musa Yaqub, aktyor Arif Quliyev, rəssam Tahir Salahov, filoloq alim Nizami Xudiyev, müğənni Zöhrə Abdullayeva, iyunda siyasətçi İbrahim İbrahimli, sabiq deputat Hicran Kərimli, fizik alim Çingiz Qacar, jurnalist İlham Mazanlı, kino xadimi Ramiz Əzizbəyli, veteran futbolçu Səmədağa Şıxlarov həyatdan getdi.

İyulda jurnalist Şamil Şahməmmədov, yazıçı-publisist Rafiq Hacıyev, müğənni Səməd Səmədov, avqustda şair, publisist Əhməd Oğuz, pedaqoq Yəhya Kərimov, sentyabrda sabiq deputat Rafael Cəbrayılov, rəssam Arif Qazıyev, müğənnilər Yaqub Zurufçu, Səyyad Əlizadə, idman xadimi Aydın İbrahimov dünyadan köçdü.

Oktyabrda xanəndə Canəli Əkbərov, sabiq deputat Maksim Musayev, jurnalist Elnur Əşrəfoğlu, noyabrda hüquq müdafiəçisi, vətəndaş cəmiyyəti xadimi Əvəz Həsənov, memar Rasim Əliyev, hərbçi general-mayor Aleksandr Vasyak, aktyor Məcnun Hacıbəyov, dekabrda tarixçi alimlər Fəridə Məmmədova, Aydın Balayev, yazıçı-publisist Əhməd İsayev vəfat etdi…