Hasilat və ixrac statistikası
Novator.az Azərbaycanın neft hasilatı və ixracı göstəricilərinə nəzər salıb.
Dövlət Statistika Komitəsi bildirir ki, 2021-ci ilin yanvar-noyabr aylarında ölkədə 31,6 milyon ton xam neft çıxarılıb.
Energetika Nazirliyi gündəlik xam neft hasilatını yanvar və fevralda 593 min barrel, martda 592,1 min barrel, apreldə 594 min barrel, mayda 586 min barrel, iyunda 610 min barrel, iyulda 606 min barrel, avqustda 596,1 min barrel, sentyabrda 586,2 min barrel, oktyabrda 585,9 min barrel, noyabrda 588,9 min barrel göstərib.
Dövlət Gömrük Komitəsinin hesabatına görə, yanvar-noyabr aylarında 12,2 milyard dollarlıq xam neft və xam neft məhsulu ixrac edilib. Azərbaycandan xam neft və xam neft məhsulları alan ölkələr statistik dəyər baxımından belə sıralanıb: İtaliya, İsrail, Xorvatiya, Portuqaliya, Hindistan, İspaniya, Almaniya, Tunis, Ukrayna, Böyük Britaniya, Türkiyə, Belarus, Kanada, Çexiya, Tailand, Çin, İndoneziya, Rumıniya, Vyetnam, İsveçrə, Yunanıstan, Fransa, İrlandiya, Avstriya, Avstraliya, Rusiya.
2021-ci ilin dövlət büdcəsində bir barrel neftin qiyməti 40 dollardan götürülüb. “AzəriLayt” markalı Azərbaycan nefti yanvara 50,92, fevrala 56,68, marta 65,66, aprelə 64,25, maya 66,55, iyuna 70,57, iyula 75,95, avqusta 73,48, sentyabra 72,21, oktyabra 80,44, noyabra 87,08, dekabra 71,74 dollarla start verib.
2008-ci ildə Azərbaycanda 44,5 milyon ton, 2009-cu ildə 50,4 milyon ton, 2010-cu ildə 50,8 milyon ton, 2011-ci ildə 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton neft hasil olunub.
