Makroiqtisadi göstəricilər
Dövlət Statistika Komitəsinin rəsmi hesabatına görə, 2021-ci ilin yanvar-noyabr aylarında kənd təsərrüfatının ümumi məhsulu əvvəlki ilin eyni dövrü ilə müqayisədə 3,8 faiz artıb.
Nəqliyyat sektorunda yük daşınması üzrə 2,2 faiz yüksəlişin, sərnişin daşınması üzrə 2 faiz azalmanın qeydə alındığı bildirilir.
İnformasiya və rabitə xidmətlərinin həcmində artım 5,7 faiz göstərilir.
Qeyd olunur ki, əhalinin gəlirləri nominal ifadədə 2,5 faiz çoxalıb, yanvar-noyabr aylarında dövlət büdcəsinə 22 milyard 725,3 milyon manat vəsait gəlib, büdcədən 22 milyard 309,5 milyon manat vəsait xərclənib, noyabrın 1-nə ölkənin bank və digər kredit təşkilatlarının kredit portfeli milli valyuta ekvivalentində 16 milyard 415,9 milyon manat, əhalinin banklardakı əmanətlərinin milli valyuta ekvivalentində məbləği 8 milyard 887,4 milyon manat olub.
