“Yüksəliş”də yenilik
Prezident İlham Əliyev “Yüksəliş” müsabiqəsi üzrə təşkilat komitəsinin tərkibini yeniləyib. Dekabrın 9-da imzalanan sərəncamla tərkib belə müəyyən olunub:
Sədr
Fərəh Əliyeva – Prezident Administrasiyasının humanitar siyasət, diaspor, multikulturalizm və dini məsələlər şöbəsinin müdiri
Üzvlər
Anar Ələkbərov – prezidentin köməkçisi
Fərid Qayıbov – gənclər və idman naziri
Mikayıl Cabbarov – iqtisadiyyat naziri
Emin Əmrullayev – təhsil naziri
Ceyhun Bayramov – xarici işlər naziri
Sahil Babayev – əmək və əhalinin sosial müdafiəsi naziri
Məleykə Abbaszadə – Dövlət İmtahan Mərkəzinin Direktorlar Şurasının sədri
Ülvi Quliyev – Milli Məclisin deputatı
Balakişi Qasımov – İctimai Televiziya və Radio Yayımları Şirkətinin baş direktoru.
Dövlət başçısı “Yüksəliş” müsabiqəsini 2019-cu il iyulun 26-da təsis edib. Məqsəd intellektual səviyyəsi və idarəçilik keyfiyyətləri yüksək olan perspektiv rəhbər şəxslərin müəyyən edilməsini, dəstəklənməsini və ölkədə kadr ehtiyatı bankının yaradılmasını təmin etməkdir.
Cari işlərin həyata keçirilməsi üçün səlahiyyətli orqan kimi Gənclər və İdman Nazirliyi seçilib.
