Sovetlərsiz əhali
2021-ci il Sovet Sosialist Respublikaları İttifaqının (SSRİ) süqutunun 30-cu ilidir.
1922-ci ildə yaradılmış SSRİ-yə dağıldığı 1991-ci ilə qədər 15 respublika daxil olub: Estoniya, Latviya, Litva, Moldova, Belarus, Ukrayna, Rusiya, Azərbaycan, Ermənistan, Gürcüstan, Qazaxıstan, Qırğızıstan, Tacikistan, Özbəkistan, Türkmənistan.
Novator.az-ın məlumatına görə, keçmiş sovet məkanı üzrə demoqrafik statistikaya nəzər yetirən Respublikaçı Alternativ Partiyasının funksioneri, iqtisadçı Natiq Cəfərli yazır ki, 1991-ci illə müqayisədə keçmiş SSRİ respublikalarının 6-da əhali artıb: “Tacikistanda 67,13%, Türkmənistanda 51,46%, Özbəkistanda 49,87%, Azərbaycanda 35,85%, Qırğızıstanda 32,91%, Qazaxıstanda 12,65% əhali artımı qeydə alınıb.
Əhalisi azalan ölkələr belə sıralanır:
Rusiya – 0,59% azalma
Belarus – 6,44%
Gürcüstan – 8,82%
Ermənistan – 12,6%
Ukrayna – 12,6%
Estoniya – 17,76%
Moldova – 20,78%
Litva – 23,96%
Latviya – 27,75%.
Rusiyada əhalinin daha az azalmasının səbəbi keçmiş SSRİ respublikalarıdır – təbii azalma yaxın ölkələrdən gələnlər hesabına kompensasiya edilir.
Baltik ölkələrinin əhalisi Avropa İttifaqı üzvlüyünün verdiyi üstünlüyə görə Şimali Avropa ölkələrinə və Britaniyaya üz tutublar.
Moldova vətəndaşları əsasən Rumıniyaya, ukraynalılar başqa Şərqi Avropa ölkələrinə köç ediblər.
Gürcüstan və Ermənistanda isə təbii artım azalıb”.
