Quba səfərində
Dekabrın 6-da prezident İlham Əliyev Quba rayonuna səfər edib. AZƏRTAC xəbər verir ki, İlham Əliyev Quba Olimpiya İdman Kompleksində yenidənqurma, əsaslı təmir və tikinti işlərindən sonra yaradılan şəraitlə tanış olub, “Quba ABAD Factory” qablaşdırma vasitələrinin istehsalı müəssisəsinin və Quba-Qonaqkənd avtomobil yolunun açılışlarına qatılıb.
Dövlət başçısı Qubanın Birinci Nügədi kəndində inşa olunmuş 1 nömrəli tam orta məktəbdə, Qonaqkənd qəsəbəsində tikilən Mədəniyyət Evində yaradılan şəraitlə tanış olub və Qonaqkənd qəsəbəsinin sakinləri ilə görüşüb.
