2022-nin iş günü olmayan bayramları
Azərbaycanın Əmək Məcəlləsinə görə, şənbə və bazar iş günü hesab olunmayan bayram günü ilə üst-üstə düşəndə həmin istirahət günü bayram günündən sonrakı iş gününə keçirilir. Novator.az bildirir ki, 2022-ci ildə Yeni il bayramı (1-2 yanvar) şənbə-bazara düşür, buna görə 3-4 yanvar (bazar ertəsi, çərşənbə axşamı) qeyri-iş günləri sayılır.
Qadınlar Günü (8 mart) çərşənbə axşamı qeyd olunacaq.
Novruz bayramının (20-24 mart) ilk günü bazara düşdüyü üçün 25 mart (cümə) qeyri-iş günüdür.
Ramazan bayramı (2-3 may) bazar ertəsi və çərşənbə axşamına təsadüf edir.
Qələbə Günü (9 may) bazar ertəsi qeyd olunacaq.
Müstəqillik Günü (28 may) şənbəyə düşdüyü üçün 30 may (bazar ertəsi) qeyri-iş günü olur.
Milli Qurtuluş Günü (15 iyun) çərşənbəyə təsadüf edir.
Silahlı Qüvvələr Günü (26 iyun) bazara düşdüyü üçün 27 iyun (bazar ertəsi) qeyri-iş günü sayılır.
Qurban bayramı (9-10 iyul) şənbə-bazara təsadüf etdiyi üçün 11-12 iyul (bazar ertəsi, çərşənbə axşamı) qeyri-iş günləri olur.
Zəfər Günü (8 noyabr) çərşənbə axşamına, Dövlət Bayrağı Günü (9 noyabr) çərşənbəyə düşür.
Dünya Azərbaycanlılarının Həmrəyliyi Günü (31 dekabr) şənbəyə təsadüf edir, bu, 2023-cü ilin təqvimində nəzərə alınacaq.
İş günü sayılan dövlət bayramlarına gəlincə, Müstəqilliyin Bərpası Günü (18 oktyabr) çərşənbə axşamına, Konstitusiya Günü (12 noyabr) şənbəyə, Milli Dirçəliş Günü (17 noyabr) cümə axşamına düşür.
