5021 nəfər cinayət məsuliyyətinə cəlb olunub
2021-ci ilin yanvar-oktyabr aylarında narkomanlığa və narkotik vasitələrin qanunsuz dövriyyəsinə qarşı mübarizə sahəsində 7484 cinayət faktı aşkarlanıb. Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının rəsmi məlumatına görə, cinayət faktlarının 2787-si narkotik vasitələrin qanunsuz satışı, 4230-u qanunsuz əldə olunub saxlanması, 372-si narkotik xassəli bitkilərin qanunsuz kultivasiya edilməsi ilə, 95-i bu kateqoriyadan digər cinayətlərlə bağlıdır: “Aşkarlanmış faktlar üzrə qanunsuz dövriyyədən ümumilikdə 5 ton 880 kiloqram 982 qram narkotik vasitə və psixotrop maddə müsadirə olunub, yabanı halda bitmiş 173 ton 370 kiloqram narkotik tərkibli bitkilər müəyyənləşdirilərək məhv edilib.
5021 nəfər narkotiklərin qanunsuz dövriyyəsi ilə bağlı cinayət məsuliyyətinə cəlb olunub. Cinayət məsuliyyətinə cəlb edilmiş şəxslərdən 51 nəfəri xarici ölkə vətəndaşıdır”.
